У Кармянскім раёне браты збілі міліцыянта і скралі службовае аўта


Следчы камітэт распачаў некалькі справаў у дачыненні 25-гадовага жыхара Кармянскага раёну і ягонага стрыечнага брата, 22-гадовага гамельчука. Яны збілі міліцыянта (арт. 364 КК), абрабавалі яго (ч. 2 арт. 206 УК), скралі аўтамабіль (ч. 2 арт. 214 УК), а таксама выкралі спецабсталяванне (ч. 2 арт. 205 КК).

Як паведаміла афіцыйная прадстаўніца упраўлення Следчага камітэту па Гомельскай вобласці Марыя Крываногава, зламыснікаў затрымалі ды змясцілі ў СІЗА.

Міліцыянты, працаўнікі Кармянскага РАУСу, былі на дзяжурстве, калі іхню ўвагу прыцягнуў аўтамабіль «ВАЗ-2103». Неаднаразовыя патрабаванні міліцыі спыніцца, у тым ліку з выкарыстаннем гучнай сувязі, кіроўца «ВАЗа» праігнараваў. Пачаўся яго пераслед.

У адной з вёсак раёну п’яная кампанія выскачыла з аўтамабіля і кінулася ўцякаць. Міліцыянт дагнаў аднаго з уцекачоў. Аднак на дапамогу затрыманаму падаспеў ягоны стрыечны брат – другі ўдзельнік п’янай кампаніі. Ён ударыў міліцыянта. Падчас бойкі браты адкрыта выкралі ў апошняга мабільны тэлефон і ліхтарык. Яны ўцяклі, а затым скралі службовы міліцэйскі аўтамабіль. Адзін з абвінавачаных, які сеў за стырно, не справіўся з кіраваннем, аўтамабіль перакуліўся. Браты выбраліся з аўта і ўцяклі. На наступны дзень іх затрымала мілыцыя.

Трэцяга ўдзельніка п’янай кампаніі другі міліцыянт затрымаў на месцы здарэння, калі першы спрабаваў уцячы пасля спынення аўтамабіля. Яго прыцягнуць да адміністратыўнай адказнасці.

МЛ, паводле БелаПАН

Глядзі таксама
Каментары