Са спісу неўязных у Еўразвяз таксама выключаныя:
У абноўленым спісе пазначаныя 232 прозвішчы і 25 прадпрыемстваў. ЕЗ таксама зняў санкцыі з кампаніяў, якія належаць бізнесоўцу Уладзіміру Пефціеву: ТАА «Дзелавая сетка», ЗАТ «Сістэмы інвестыцыяў і інавацыяў», ПУП «Сен-Ка», ПУП «БТ Інвест», «Тэхнасаюзпрыбор».
Да спісу чыноўнікаў, якія падпадаюць пад санкцыі, дадаліся два прозвішчы: Аляксандр Какунін (начальнік Бабруйскай папраўчай калоніі № 2) і Юрый Трутко (намеснік начальніка Бабруйскай папраўчай калоніі № 2) – у гэтай калоніі адбывае пакаранне праваабаронца Алесь Бяляцкі.
«Мы адзначаем тэндэнцыю да скарачэння санкцыяў. Гэта пазітыўны крок, аднак збольшага рашэнне ЕЗ контрпрадуктыўнае. Гэтыя санкцыі бесперспектыўныя і мусяць быць цалкам скасаваныя. На іх аснове немагчыма выбудаваць партнёрства ў інтарэсах грамадзянаў Беларусі ды ЕЗ», – заявіў прэс-сакратар Міністэрства замежных справаў Андрэй Савіных.
МЛ, паводле БелаПАН