Паводле Дар’і Вашкевіч, натхняльнікамі праекту “Books from Belarus” былі шведы. Асноўная ідэя – паказаць еўрапейскаму чытачу не толькі беларускіх класікаў. Каб дамовіцца наконт аўтараў, зладзілі сустрэчу з прадстаўнікамі выдавецтваў. Кожны называў 10 найлепшых кнігаў, якія выйшлі цягам апошніх трох гадоў. Пазней спіс скарацілі да 8 пазіцыяў. Парады наконт таго, што на гэты момант на заходнім рынку можа быць цікавае для спажыўца і для выдаўца, давала расейска-шведская літаратурная агентка.
{movie}Дар’я Вашкевіч пра беларускія кнігі на Франкфурцкім кірмашы|right|12829{/movie}
На кірмашы таксама пройдуць дзве беларускія імпрэзы: семінар і літаратурная вечарына.
Вядома, што восем кнігаў васьмі аўтараў не адлюстроўваюць культурніцкай сітуацыі ў краіне. Дар’я Вашкевіч разглядае ўдзел у кірмашы як першую прыступку ў выглядзе “рацыянальнай латарэі”. “У літаратуры, як у кожным мастацтве, насамрэч, ніколі не ведаеш, што выстраліць”, – кажа яна. Праект будзе развівацца далей, але ў якім кірунку – пакуль не вызначана.
Хто трапіў на Франкфурцкі кірмаш?
Віктар Марціновіч “Сфагнум” (“Пяршак” / “Кнігазбор”)
Наталка Бабіна “Рыбін горад” (“Логвінаў”)
Барыс Пятровіч “Спачатку была цемра” (“Дзеяслоў”)
Ева Вежнавец “Шлях дробнай сволачы” (“Логвінаў”)
Артур Клінаў “Шклатара” (“Логвінаў”, у працэсе падрыхтоўкі да выдання)
Уладзімір Някляеў “Аўтамат з газіроўкай і без” (“Паперус”)
Альгерд Бахарэвіч “Малая медычная энцыклапедыя Бахарэвіча” (“Логвінаў”)
Рома Свечнікаў “Рома едзе” (“Пяршак”, у працэсе падрыхтоўкі да выдання)
АК, belsat.eu