Пасля пяцідзённага арышту за парушэнне прэвентыўнага нагляду выйшаў на волю былы палітзняволены Уладзімір Яроменак. Ля Цэнтру ізаляцыі правапарушальнікаў яго сустракала жонка, сябры ды аднадумцы.
16 верасня Яроменка і яшчэ аднаго былога палітвязня, Васіля Парфянкова, асудзілі на пяць содняў арышту. Суддзя суду Першамайскага раёну Менску Юрый Гарбатоўскі прызнаў іх вінаватымі ў невыкананні ўмоваў прэвентыўнага нагляду.
Тым часам праваабаронцы працягваюць высвятляць лёс Васіля Парфянкова: за дзень да заканчэння тэрміну арышту яго вывезлі з ізалятару. Паводле неафіцыйнае інфармацыі, Васіля Парфянкова накіравалі ў лячэбна-працоўны прафілакторый.
МЛ, паводле БелаПАН
