Рэдактары “Arche” Алесь Пашкевіч і Валер Булгакаў прэзентавалі ажно тры апошнія выданні. Праз арышт рахунку “Архэ” ўсе гэтыя нумары – дарэчы, прысвечаныя гісторыі Беларусі, – былі выдадзеныя ў расейскім Смаленску.
ВАЛЕР БУЛГАКАЎ, РЭДАКТАР «ARCHE»:
“Мы вядзем курс на аднаўленне актыўнасці ў такім маштабе, які быў раней. А раней, нагадаю, “Arche” быў адзіным у Беларусі штомесячным, незалежным, тоўстым часопісам, які асвятляў гуманітарную праблематыку”.
Аднавіць штомесячнае выданне нумароў плануецца налета. У 14-ым годзе чытачоў “Архэ” чакае яшчэ адзін прыемны сюрпрыз – “Белпошта” ўключыла часопіс у падпісны каталог на наступны год.
{movie}Агляд падзеяў культуры|right|12540{/movie}
Апроч рэдактараў “Архэ”, у галерэі “Ў нескладовае” ўчора выступіў гісторык Алесь Белы. Ён прэзентаваў кнігу “Імагалогія Беларусі”.
Праца над кнігаю працягвалася амаль 20 гадоў, выданне змяшчае шэраг адсылак да арыгінальных гістарычных дакументаў.
