«Мытныя органы ўсюды ажыццяўляюць кантрольныя функцыі ў інтарэсах той краіны, якую яны рэпрэзентуюць. Калі будзе прынятае дырэктыўным органам Беларусі адпаведнае рашэнне, мытныя органы ў межах вызначанай у гэтым рашэнні кампетэнцыі будуць яго выконваць», – сказаў Барысюк.
Ён удакладніў, што сёлета грамадзяне Беларусі мінулі дзяржаўную мяжу краіны 12 млн разоў, аднак асобнай статыстыкі пра тое, колькі грамадзянаў Беларусі выехала ў краіны Еўразвязу, няма.
З ініцыятываю забавязаць беларусаў пры выездзе з краіны плаціць мыта выступіў Аляксандр Лукашэнка. Паводле кіраўніка дзяржавы, аддаваць грошы за выезд мусяць перадусім тыя асобы, што рушаць у Еўразвяз па набыткі. «Дык вось, я даўно даручыў: калі выязджаеш за межы, няважна навошта, заплаці выязное мыта. Гэта будзе так: мы цябе на мяжы абслугоўваем – $ 100 з носа плаці ды едзь за мяжу», – заявіў Лукашэнка.
МЛ, паводле БелаПАН