Гамельчукі зладзілі неардынарную фотасесію ў абарону драўлянай гістарычнай забудовы, якая цяпер пад пагрозаю знішчэння.
Маладзёны сфатаграфаваліся аголенымі да пояса побач з домам № 23 па вул. Валатаўскай, збудаваным перад Першаю сусветнаю вайною. Менавіта ў ім, паводле гарадскіх паданняў, дажывала свой век апошняя ўладальніца гомельскага палацу графіня Ірына Паскевіч.
Аўтарка праекту Марына Драбышэўская тлумачць: «Усведамляючы сябе часткаю грамадскай супольнасці Гомля, далучаюся да змагання за ўнікальную драўляную забудову, што месціцца ў самым яго цэнтры. Захавайма драўляную забудову разам!»
У якасці мадэляў выступілі Святаслаў Фяшчук, Андрэй Федаровіч.
АК, belsat.eu, паводле ГМКГА «Талака»
