Адчай маці
Людміла Ягадкіна заклікае маці прызыўнікоў, якія маюць праблемы са здароўем, усялякім чынам не дапусціць таго, каб іхніх сыноў забралі ў войска.
{movie}Ягадкіна: уберажыце сваіх сыноў ад войска|right|12395{/movie}
«Майго сына прыйшлі і забралі, хоць ён не давучыўся. Чаму яму не далі давучыцца? Чаму забіраюць завочнікаў? Чаму забіраюць хворых? Чаму нашыя медкамісіі такіх забіраюць? Чаму майго сына забралі менавіта ў танкісты з такім здароўем? – гаворыць спадарыня Людміла. – Няхай маці робяць усё, каб такіх дзяцей камісоўвалі. Трэба гэтага дамагацца – хтосьці хабар дае, а ў мяне грошай няма, я расціла чацвярых дзяцей… Мне казалі: трэба было табе даць хабар…»
Што сталася прычынаю смерці?
Паводле маці, твар Уладзіслава быў моцна загрымаваны. Пры гэтым вонкавы выгляд сына выклікаў у маці падазрэнні адносна таго, што сын памёр негвалтоўнаю смерцю.
31 жніўня яна тэлефанавала сыну ўвечары. Два разы скінулі. Маці перакананая, што гэта зрабіў не ейны сын. Пазней ёй у частцы паведамілі, што ўвечары 31 жніўня Уладзіславу стала кепска. Днявалны завёў яго ў санчастку. Хлопцу аказалі першую дапамогу і адправілі назад.
А 6 раніцы 1 верасня Уладзіслава зноўку павялі ў медпункт. А 7 зафіксавана смерць. Паводле неафіцыйнае інфармацыі, прычына смерці – гіпертанічны крыз і ацёк лёгкіх.
{movie}Ягадкіна: атрымалі цела сына ў сланцах|right|12396{/movie}
Бацькі атрымалі цела для пахавання. Паводле маці, камандаванне вайсковай часткі пазбягае кантактаў з сям’ёй. Адзін з камандзіраў цвердзіць, што ў дзень смерці не мог дазваніцца да маці. Спадарыню Людмілу абурае і тое, як яны атрымалі цела свайго сына. «Я выпадкова сцягнула пакрывала, якім ён быў накрыты. І мяне ў руках аказаўся сланец. Уяўляеце: маці адправіла сына ў войска, у войска, якое на дзяржаўным забеспячэнні. І войска вярнула яго дадому ў сланцах. Гэта блюзнерства і здзек над бацькамі, над грамадствам», – зазначыла Людміла Ягадкіна.
МЛ, belsat.eu