{movie}Агляд падзеяў культуры|right|11935{/movie}
“У нашых краях вось такіх імпрэзаў не ладзіцца ўвогуле, – здзіўляецца Канстанцін Васін, мастак-кераміст з Уфы. – Мы зацікавіліся і прыехалі паглядзець. Ад таго, што мы тут ўбачылі, мы ў захапленні. Усё на вельмі высокім узроўні”.
Прызнаныя майстры керамікі з Беларусі, Украіны, Латвіі, Малдовы ды Расеі разам са студэнтамі-пачаткоўцамі стварылі ўласны керамічны сусвет, выстаўлены ў Бабруйскім музеі імя Паплаўскага. Адмыслоўцы мяркуюць, што за Бабруйскам – вялікая керамічная будучыня.
“Колькасць працаў, сабраных за 11 пленэраў, дае ўсе падставы для таго, каб бліжэйшым часам у Бабруйску паўстаў музей сучаснай керамікі”, – кажа мастацтвазнаўца з Палтавы Таццяна Зяненка.
Сёлетнія працы пасля выставы ў Бабруйску пакажуць у Магілёве і Менску.
Іншыя тэмы: У вёску Азярычына Пухавіцкага раёну з’ехаліся ахвотныя навучыцца плесці з лазы, рэзаць па дрэве, вырабляць лялькі ды збіраць фальклор. Дуэт Алены ды Паўла Аракелянаў прэзентаваў у Менску альбом «Flashbacks». Гурт «Neuro Dubel» даў канцэрт для тых, хто адпачывае ў горадзе. Рэперы-аматары з Маладзечна запісалі відэа на песню-ўслаўленне аўтобуса МАЗу.
Адэля Дубавец