Кожны, каму не чужое пачуццё прыгожага, проста абавязаны бліжэйшым часам наведаць Палац мастацтваў. Там сабралі найлепшыя творы беларускага жывапісу: на экспазіцыі «Залаты фонд Беларускага саюзу мастакоў» – працы легендаў другой паловы мінулага стагоддзя. Гэта першая такая маштабная экспазіцыя калекцыі, якую збіралі з 60-ых да дзвюхтысячнага года.
УЛАДЗІМІР САВІЧ, СТАРШЫНЯ САЮЗУ МАСТАКОЎ :
«Час ідзе, і цяпер знікае станковая карціна, фігуратыўная карціна, і нават паводле памеру вялікая. Тут прысутнічаюць і станковыя творы, фігуратыўныя, партрэты, краявіды, нацюрморты – уся амплітуда мастацтва».
Сярод 105-ці палотнаў – працы Гаўрыіла Вашчанкі, Леаніда Шчамялёва, Аляксандра Кішчанкі і Антона Бархаткова. Самыя сябры Саюзу мастакоў называюць экспазіцыю філасофскаю кнігаю пра беларускі менталітэт. Большасць працаў выкананыя на дзяржаўную замову, без камерцыйных мэтаў.
ЛЕАНІД ШЧАМЯЛЁЎ , МАСТАК :
«Цяпер прынята, як кажуць, «хаяць» тыя часы і сацрэалізм, але мастакі таго перыяду, што мелі творчы патэнцыял, не разгубілі яго – яны прэзентаваныя добрымі творамі».
{movie}Агляд падзяў культуры|right|11642{/movie}
Нягледзячы на час стварэння, некаторыя з гэтых працаў прэзентаваныя публіцы ўпершыню. А ўвосень Саюз мастакоў плануе паказаць і іншыя карціны з залатых фондаў.
Іншыя тэмы: не стала мастачкі ды ілюстратаркі Алены Лось. Раман Абрамчук прэзентаваў кружэлку «Мая сакральная геаграфія». У Гон-Конгу паказалі прыклады традыцыйнага японскага эратычнага малюнку сюнга.
Мар’яна Чарняева, belsat.eu
