«Пагаршэнне адносінаў Еўразвязу і Беларусі не перашкодзіць далучэнню краіны да Балонскага працэсу»


Лічыць міністр адукацыі Сяргей Маскевіч.

“Не бачу ніякіх падставаў для гэтага”, – кажа міністр.

“Гэта проста немагчыма растлумачыць”, – кажа Сяргей Маскевіч, каментуючы тое, што рэктар БДУ Сяргей Абламейка трапіў у спіс чыноўнікаў, якім забаронены ўезд у краіны Еўразвязу. Міністр разглядае гэта “як цалкам неканструктыўны падыход” і ўпэўнены, што БДУ ў значна большай ступені гатовы да супрацы з партнёрамі ў Еўропе.

“Будуць працаваць прарэктары, дэканы, іншыя спецыялісты. Вельмі шкада, што было прынятае такое рашэнне”, – дадаў Маскевіч.

Што датычыць зменаў, якія чакаюць сістэму адукацыі сёлета, міністр паведаміў, што “неабходна правесці рэструктурызацыю спецыяльнасцяў” у адпаведнасці з нацыянальнымі прыярытэтамі, з націскам на рыхтаванне спецыялістаў для аграрнага сектару, інфармацыйных тэхналогіяў, машынабудавання і будаўнічай галіны.

Нагадаем, што летась у ліпені Аляксандр Лукашэнка загадаў былому міністру адукацыі, Аляксандру Радзькову, распачаць працэдуру далучэння Беларусі да Балонскага працэсу. Радзькоў заявіў, што “ў асноўным Беларусь выконвае ўсе патрабаванні Балонскага працэсу”.

belsat.eu

Глядзі таксама
Каментары