Павел Вінаградаў падарыў актывістам пазл з Пагоняю


https://youtu.be/dmASPoot2h4
https://youtu.be/L8EREWe3X7A
Сябра аб’яднання “Zмена” Павел Вінаградаў выйшаў на волю пасля 12-дзённага арышту. Асноўнай інтрыгаю вызвалення была прысутнасць палітычных і грамадскіх лідараў, якіх Павел заклікаў у сваім звароце сустрэць яго ля сценаў ізалятару.
{movie}Павал Вінаградаў і ягоны пазл з Пагоняю|right|10532{/movie}
Заклік маладзёна да салідарнасці закрануў за жывое: амаль усе асобы, згаданыя ім у допісе, далучыліся да сустрэчы або накіравалі сваіх прадстаўнікоў. Ля брамы турмы сабраліся каля 70 асобаў, сярод якіх – Уладзімір Някляеў, Уладзімір Мацкевіч, Валер Шчукін, Марына Адамовіч, Наста Дашкевіч, Васіль Парфянкоў, сябры ПБНФ, АГП, БХД, кампаніі “Гавары праўду”, “Еўрапейскай Беларусі” ды іншыя.
{movie}Павал Вінаградаў на волі|right|10529{/movie}
На знак удзячнасці актывіст падараваў прадстаўнікам грамадскасці 17 частак пазла, які разам складае бел-чырвона-белы сцяг з Пагоняю. Пазл мае сімвалізаваць неабходнасць яднання ўсіх дэмакратычных сілаў Беларусі.

“Мне сапраўды прыемна, што на маю просьбу згадаць пра салідарнасць адгукнулася столькі людзей. У ідэале хацелася б, каб сустракаць палітсядзельцаў ля сценаў Акрэсціна збіраліся тысячы. А яшчэ лепей, каб палітычныя прысуды спыніліся ўвогуле”, – сказаў Павел Вінаградаў “Белсату”.

Паўла затрымалі 22 красавіка за акцыю салідарнасці з палітвязнем Мікалаем Статкевічам.

НЯ, belsat.eu

Глядзі таксама
Каментары