Пакуль няясна, ці ракеты маюць замантаваныя боегалоўкі ды падрыхтаваныя да ваенных дзеянняў, ці гэта проста дэманстрацыя сілы.
Паўночнакарэйскія ракеты сярэдняга радыусу дзеяння могуць трапляць у мэту да 3000 км. У гэтую зону ўваходзяць Паўночная Карэя, Японія і амерыканская вайсковая база Гуам у Ціхім акіяне.
Паводле нядаўніх заяваў ваеннага кіраўніцтва КНДР, менавіта амерыканскія базы на Гуаме і Гавайскіх выспах – патэнцыйная мішэнь для ваеннага ўдару.
{movie}Паўночная Карэя перацягвае ракеты на ўсходняе ўзбярэжжа|right|10041{/movie}
Вашынгтон занепакоены з ваяўнічай рыторыкі Пхеньяну, раззлаванага санкцыямі ААН, якія прынялі ў адказ на трэцяе ядравае выпрабаванне, праведзенае КНДР сёлета ў лютым. ЗША ўжо абвесцілі, што прыступілі да перадыслакацыі сістэмы СРА на востраве Гуам, каб процідзеяць агрэсіўным намерам Паўночнай Карэі.
Пхеньян зноў перакрыў доступ у супольную прамысловую зону Кэсонг у дэмілітарызаванай паласе. Ужо другія суткі паўночнакарэйскія ўлады не пускаюць туды працоўных з Поўдню і пагражаюць нанесці ваенны ўдар па Паўднёвай Карэі, калі тая не «перастане абражаць Поўнач у медыях».
Паводле большасці экспертаў, вайна – малаверагодная. У ЗША пакуль стае ўнутраных праблемаў, а Паўночная Карэя ўсведамляе, што перамагчы ў канфлікце практычна не мае шанцаў. Амерыканскія палітыкі, аднак, падкрэсліваюць, што дзеянні КНДР могуць быць непрадказальнымі.
М.Я., belsat.eu
