Запасы снегу ў басейне Сожа на 50–60 % большыя за норму, Прыпяці – на 20–30 %.
Берасцейская і Гомельская вобласці традыцыйна першымі сталі ахвярамі вады. Падтопленыя падворкі ў Столінскім, Петрыкаўскім, Жыткавіцкім і Мазырскім раёнах.
Прэс-сакратар Гомельскага абласнога ўпраўлення МНС Руслан Габрылёў распавёў «Белсату», што ўзровень вады пачне інтэнсіўна ўздымацца 1 красавіка. Віною таму – тры цыклоны, якія апошнім часам прайшлі па Гомельшчыне. Самую вялікую небяспеку нясе Прыпяць, пазней «уключацца» Дняпро і Сож.
У Менскай вобласці разлівы прагназуюць у Барысаўскім, Бярэзінскім і Стаўбцоўскім раёнах. У Гарадзенскай вобласці пад пагрозаю можа аказацца Мастоўшчына.
Якія раёны найчасцей пакутуюць ад паводкі?
Берасцейская вобласць: Берасцейскі, Лунінецкі, Пінскі, Столінскі.
Віцебская вобласць: Бешанковіцкі, Верхнядзвінскі, Глыбоцкі, Лепельскі, Полацкі.
Гарадзенская вобласць: Мастоўскі раён.
Гомельская вобласць: Жыткавіцкі, Мазырскі, Петрыкаўскі раёны.
Менская вобласць: Барысаўскі, Бярэзінскі, Стаўбцоўскі раёны.
Магілёўская вобласць: Бабруйскі, Кіраўскі раёны.
АК, belsat.eu
