Распачалі крымінальную справа ў дачыненні 4 жыхароў Мазыра, якія аказалі супраціў міліцыянту. Праваахоўнік ўжыў зброю і параніў з пісталету 3 хуліганаў.
17 сакавіка 4 мазыранаў каля рэстарану “Элада” нападпітку публічна лаяліся матам. Калі працаўнік міліцыі зрабіў ім заўвагу, тыя пачалі вельмі агрэсіўна праяўляць сваю незадаволенасць, а адзін з іх нават ударыў міліцыянта ў твар разбітаю шклянаю бутэлькаю.
Калега заатакаванага праваахоўніка, зразумеўшы, што жыццю і здароўю ягонага таварыша пагражае небяспека, пасля папярэджання пра намер прымяніць зброю зрабіў папераджальны стрэл з табельнай зброі. Правапарушальнікі не адрэагавалі. Тады праваахоўнік зрабіў 3 стрэлы, цэлячыся ў ногі хуліганаў. Усе 3 стрэлы трапілі ў парушальнікаў.
У цяперашні час высвятляюцца абставіны здарэння, праводзіцца допыт сведак, пошукі доказаў на месцы падзеі.
У хадзе расследавання дадуць ацэнку правамернасці таго, што міліцыянты прымянілі табельную зброю. Паводле папярэдніх сведчанняў відавочцаў, міліцыянты адрэагавалі правільна, бо хуліганы сапраўды паводзілі сябе вельмі небяспечна.
М.Я., belsat.eu, паводле БелаПАН