На слуцкія паясы, замкі і цэрквы: Колькі беларусы ахвяруюць на помнікі? (інфаграфіка)


«Белсат» прасачыў, ці ахвотна людзі пераводзяць грошы на аднаўленне гістарычных помнікаў.

Дабрачынныя рахункі пры мясцовых аддзелах культуры адкрыты ўжо некалькі гадоў. Сюды неабыякавым грамадзянам і арганізацыям прапаноўваюць пераводзіць сродкі, каб выратаваць гістарычныя каштоўнасці.

Макет замка ў Быхаве. Фота Фота Уладзiслаа В. Вепржыцкага, radzima.org Макет замка ў Быхаве. Фота Фота Уладзiслаа В. Вепржыцкага, radzima.org Замак у Быхаве

У студзені райвыканкам у Быхаве (Магілёўская вобласць) абвесціў акцыю ўратавання дзвюх вежаў замку. Як і ўсюды на гэткіх аб’ектах, тут пройдуць суботнікі. Яны мусяць прынесці сродкі на аднаўленчыя працы, якія плануюць скончыць у 2018 годзе. Грошы збіраюць таксама на памятную дошку нараджэнца Быхаўшчыны, пісьменніка Барыса Стральцова. За месяц сабралі каля Br 45 млн.

Дабрачынны рахунак № 364 204 579 4327 з пазнакаю «Быхаўскі замак»
ЦБУ № 706 філіял № 700 Магілёўскага абласнога ўпраўлення АСБ «Беларусбанк»
МФО 153 801 536
УНП 700 085 055
Плацяжы: г. Быхаў, вул. Леніна, д. 54, аддзел культуры Быхаўскага райвыканкаму


View Колькі беларусы ахвяруюць на помнікі? in a larger map

Слуцкі пояс. Фота wikipedia.orgСлуцкі пояс. Фота wikipedia.org

Слуцкія паясы

На радзіме слуцкіх паясоў збіраюць ахвяраванні, каб набыць два экземпляры з прыватнай калекцыі. Ініцыятыву праявілі мясцовыя ўлады, рахунак адкрыў Слуцкі краязнаўчы музей. Патрэбная сума – каля $ 180 тыс. Паводле нашай інфармацыі, дзве траціны яе ўжо сабралі. Мясцовая газета «Інфа-Кур’ер» падлічыла, што кожнаму жыхару раёну дастаткова ахвяраваць усяго $ 4,2. Сёння Беларусь мае пяць слуцкіх паясоў.

Разліковы рахунак 3604000000562
Філіял 615 АСБ «Беларусбанк”
код 808
УНН-690305921
ОКПО-292495596000
Атрымальнік плацяжу «Слуцкі краязнаўчы музей»

Каложская царква ў Горадні. Фота wikipedia.orgКаложская царква ў Горадні. Фота wikipedia.orgКаложская царква ў Горадні

У Горадні ад 2010 году ідзе акцыя «Адновім Каложу разам! » Усіх неабыякавых заклікаюць ахвяраваць на аднаўленне храму ХІІ ст. Праз медыі чыноўнікі называлі патрэбную суму – Br 6 млрд. За першы год сабралі каля Br 200 млн.

Перш чым брацца за старажытную царкву, недалёка ад яе ўзвялі царкоўна-прыходскі комплекс паводле самых сучасных стандартаў. На яго засвоілі Br 2 млрд. Улетку 2011 году каля царквы прайшлі археалагічныя раскопкі.

Упраўленне культуры Гарадзенскага аблвыканкаму
Філіял 426 АСБ «Беларусбанк»
Дабрачынны рахунак № 3642501000918
Код 152101199
УНП 500039602

Помнік Міндоўгу і замак у Наваградку

Праект помніка Міндоўгу ў Навагрудку, аўтар Валяр'ян Янушкевіч. Фота catholic.by Праект помніка Міндоўгу ў Навагрудку, аўтар Валяр’ян Янушкевіч. Фота catholic.by У Наваградку грошы збіраюць адразу на два помнікі. Да 2015 года плануюць скончыць кансервацыю руінаў замку. Тры гады таму падчас прэс-канферэнцыі загадчык ўпраўлення аховы гісторыка-культурнай спадчыны і рэстаўрацыі Міністэрства культуры Ігар Чарняўскі назваў кошт праектнай дакументацыі – ад Br 70 да 100 млн.

Паводле Міністэрства культуры, апроч бюджэту і ахвяраванняў, крыніца фінансавання рэстаўрацыі – заснаваная гэтым ведамствам у 2010 годзе рэспублiканская тыражная латарэя «Скарбнiца». Першы год яе рэалізацыі даў Br 39 млн. Усяго адбылося 29 розыгрышаў, апошні – летась у кастрычніку – прынёс каля Br 3 млн. Вядома, што на адмыслова адкрыты рахунак аддзелу культуры Наваградскага райвыканкаму. У 2011 годзе на яго прыйшло Br 32 млн.

Руіны Навагрудскага замка. Фота Alex Kopat, radzima.orgРуіны Навагрудскага замка. Фота Alex Kopat, radzima.orgГісторыя з помнікам князю Міндоўгу ў Наваградку цягнецца з 2009 года і выглядае самаю заблытанаю. Зацвердзіўшы праект скульптара Генадзя Буралкіна, чыноўнікі абвесцілі дабрачынны збор сродкаў. Але ў 2011 годзе Мінкультуры зноў абвяшчае конкурс эскізаў. Медыі паведамляюць новыя прозвішчы пераможцаў: Сяргей Бандарэнка (аўтар скульптураў каля сталічнага цырку) і Павал Лук. Збор ахвяраванняў на помнік першаму каралю ВКЛ працягваецца.

Аддзел культуры Наваградскага райвыканкаму
АСБ «Беларусбанк» г. Наваградак
Разліковы рахунак № 3632000001310 з пазнакаю «На рэстаўрацыю Наваградскага замку»
Код 698
УНП 500031377

Ініцыятар вяртання Статуту ВКЛ: не ўсё так кепска ў беларускім грамадстве

Мінулым летам медыі ўзарвала навіна пра тое, што ўпершыню ў Беларусь вернуты арыгінальны Статут Вялікага княства Літоўскага 1588 года. $ 15 тыс. для гэтага сабралі людзі, яшчэ $ 30 тыс. ахвяравала кампанія «Альпары». Адзін з ініцыятараў акцыі вяртання каштоўнейшага помніку беларускай дзяржаўнасці – студэнт і працаўнік гістарычнага музею ў Магілёве Андрэй Радкоў. Часта ён сам аддае грошы на набыццё экспанатаў у музей ці рэдкіх выданняў у бібліятэкі.

«На рынку каштоўнасцяў трэба дзейнічаць хутка, бо не факт, што прадмет дастанецца нам, – дзеліцца сакрэтам поспеху Андрэй Радкоў. – Усё ж ёсць розніца: вярнуць фаліянт і аднавіць замак. Нават калі збяруць неабходную суму, замак не адновіцца сам сабою. Трэба шмат часу. Увогуле, мне падабаецца, што, калі людзі ахвяруюць грошы, гэта паказнік стану грамадства. Значыць, існуе цікаўнасць да культуры, да вяртання каштоўнасцяў. Нельга наракаць, што грошы збіраюцца марудна».

Аліна Каранкевіч, АК, belsat.eu

Глядзі таксама
Каментары