Генеральная пракуратура Украіны вінаваціць былую прэм’ер-міністарку ў датычнасці да забойства дэпутата Вярхоўнай рады Яўгена Шчэрбаня ў 1996 годзе.
«Першыя $ 500 тыс. – асабіста з бандаю разлічыўся Лазарэнка пасля забойства. А потым $ 2,3 млн было пералічана. І ўсе пералікі арганізавала Цімашэнка. Гэта кошт таго забойства, якое задумалі і здзейснілі праз бандытаў, праз бандыцкую групоўку і Лазарэнка, і Цімашэнка», – зазначыў Віктар Пшонка.
Генеральны пракурор паабяцаў, што бліжэйшым часам Юліі Цімашэнцы, якая ўжо адбывае 7-гадовы тэрмін за перавышэнне службовых паўнамоцтваў, прадаставяць новае афіцыйнае абвінавачанне. Цяпер ёй пагражае пажыццёвае зняволенне.
Абодва падазраваныя катэгарычна адмаўляюць, што ўдзельнічалі ў забойстве.
Аліна Кашкевіч