Актывісты «Акцыі 16» зладзілі ў Менску альтэрнатыўную навагоднюю ялінку.
Святочнае дрэва з’явілася ў адным з найбольш ажыўленых падземных пераходаў на станцыі метро «Каменная Горка». У якасці навагодніх упрыгожанняў былі выкарыстаныя папяровыя кавалкі з надпісам «ШОС» і здымкі з перакрэсленым абліччам Лукашэнкі. На верхавіне ялінкі красаваўся бел-чырвона-белы сцяг.
Мінакі з цікаўнасцю прыглядаліся да незвычайнага дрэўца і арыгінальных аздабленняў. Акцыя прайшла без затрыманняў.
Максім Ярашэвіч, паводле ffight.org