Новы міністр культуры – таксама беларускамоўны


Барыс Святлоў лічыўся найбольш імаверным кандыдатам на пасаду. Другім кандыдатам называлі старшыню Белтэлерадыёкампаніі Генадзя Давыдзьку.

Сёння Аляксандр Лукашэнка прызначыў на месца, пакінутае Паўлам Латушкам, Барыса Святлова. Новы міністр культуры – доктар філасофскіх навук, з красавіка 2008 г. працаваў рэктарам Беларускага дзяржаўнага ўніверсітэту культуры і мастацтваў.

Паводле “Нашай Нівы”, на публічных імпрэзах Барыс Святлоў імкнецца ўжываць беларускую мову. Універсітэт культуры таксама ёсць самаю беларускамоўнаю ВНУ краіны. Гэтае меркаванне рэдакцыі пацвердзіў і старшыня Таварыства беларускай мовы Алег Трусаў: “Са мною ён заўсёды гаворыць па-беларуску”. Барыс Святлоў таксама браў удзел ва ўзнагароджванні ў БДУ “папулярызатараў беларускай мовы”.

Павел Латушка ўзначальваў Мінкультуры з чэрвеня 2009 г. Сёлета 16 лістапада Аляксандр Лукашэнка падпісаў указ аб прызначэнні Латушкі надзвычайным і паўнамоцным паслом Беларусі ў Францыі ды сталым прадстаўніком Беларусі пры ЮНЕСКА паводле сумяшчальніцтва.

belsat.eu паводле belapan.com

Глядзі таксама
Каментары