Шумчанка: Праз 15 гадоў у Беларусі можа не быць малога бізнесу


https://youtu.be/ULNllO5iYGY
Сёння прадпрымальнікі вызначылі найлепшы рэгіён Беларусі для вядзення бізнесу. Традыцыйна ім стаў Менск.

Старшыня рады грамадскай арганізацыі «Перспектыва» Анатоль Шумчанка нагадаў, што ўжо доўгія гады бізнес-клімат у нашай краіне застаецца неспрыяльным. «На жаль, у нас вымалёўваюцца рэзка негатыўныя тэндэнцыі ў частцы ўдзельнай вагі індывідуальных прадпрымальнікаў у падатковых паступленнях, у раздробным таваразвароце. Прадпрымальнікам сёння вельмі цяжка весці свой бізнес у Беларусі. Гэтым конкурсам мы б’ем у званы і хочам, каб нас пачулі: сёння ідзе паглынанне буйным і сярэднім бізнесам малога бізнесу. Калі гэты працэс будзе працягвацца тымі ж тэмпамі, праз 15 гадоў малога бізнесу не застанецца», – мяркуе Шумчанка. {movie}Анатоль Шумчанка пра стан малога бізнэса|right|7854{/movie}

На думку прадпрымальнікаў, без дзяржаўнага падтрымання ім «не выплыць», а такім падтрыманнем можа быць проста неўмяшанне ў працу, у планы пашырэння бізнесу.

Першачарговыя праблемы, якія патрабуюць развязання, паводле прадпрымальнікаў, – абмежаванне найму работнікаў (пры гэтым 90 % прадпрымальнікаў маюць патрэбу не больш як у трох працаўніках); нездавальняльная сістэма падаткаабкладання; адносіны з арэндадаўцамі.

«Гэтыя праблемы вынікаюць з таго, – працягвае Шумчанка, – што дзяржава робіць ухіл у бок сярэдняга і буйнога бізнесу. Мы бачым сёння: пашыраюцца сеткі, будуюцца гіпермаркеты, буйныя гандлёвыя цэнтры аднаго брэнду. У Беларусь усё прыходзяць [замежныя бізнесы – «Белсат»], і хутка беларусам не застанецца месца, каб тут працаваць. А для таго, каб кошты ў краіне былі ніжэйшыя, трэба жывая, здаровая канкурэнцыя. У мяне канкрэтная прапанова: каля кожнага такога буйнога гандлёвага цэнтру размясціць па дзве міні-крамы ці па два шапікі прадпрымальнікаў».

Паводле лідара аб’яднання прадпрымальнікаў «Перспектыва», у Беларусі ідзе будаванне алігархічна-наменклатурнага ладу. Сярод іншага пра гэта сведчыць тое, што ў Раду развіцця прадпрымальніцтва не ўвайшоў ніводзін індывідуальны прадпрымальнік.

belsat.eu

Глядзі таксама
Каментары