Дзень маці ў Паўночнай Карэі: Людзі нясуць кветкі правадырам


https://youtu.be/3mBX3j1bMfI
У Паўночнай Карэі ўпершыню адзначаецца Дзень маці. Новае свята з’явілася з ініцыятывы цяперашняга кіраўніка краіны Кім Чэн Уна.

У гэты дзень у 1961 г. першы кіраўнік Паўночнай Карэі Кім Ір Сэн выступіў з прамоваю «Абавязкі маці ў гадаванні дзяцей». Акурат таму Вярхоўны народны сход КНДР прызначыў свята маці на 16 лістапада.

Жыхары Паўночнай Карэі купляюць паштоўкі і кветкі для матуляў ды… не толькі. Шмат якія жыхары Пхеньяну прыйшлі ў гэты дзень да помнікаў памерлых Кім Ір Сэна і Кім Чэн Іра, каб ускласці кветкі.

Паводле агенцтва «Интерфакс», з нагоды Дня маці Дэмакратычны саюз жанчын Паўночнай Карэі перадаў Рэвалюцыйнай Арміі КНДР вырабленыя з удзелам актывістак саюзу сістэмы ракетнага залпавага агню.

belsat.eu

Глядзі таксама
Каментары