У краіне ўжо трэці месяц запар скарачаецца золата-валютны запас.
Апошнім сёлетнім месяцам, калі назіраўся рост золата-валютных рэзерваў, быў чэрвень. У верасні залаты запас краіны паменшаў адразу на 3 тоны.{movie}Беларусь губляе золата|left|6947{/movie}
Нацыянальны банк адзначае: на вераснёўскае зніжэнне аб’ёму рэзерваў паўплывала вяртанне ўнутраных і вонкавых пазыкаў у замежнай валюце.
Кіраўніцтва Нацыянальнага банку заяўляла раней, што золата-валютны запас зменшыцца да $ 8 200 млн пад самы канец года, але ўжо цяпер рэзерваў скарысталі болей, чымся планавалася.
Яшчэ сёлета Беларусь павінна выплаціць амаль $ 4,5 млрд вонкавай пазыкі, у тым ліку да канца кастрычніка – больш за $ 570 млн.
belsat.eu