Менчукі пачалі аддаваць за ежу большую частку заробку, але значна менш прадуктаў спажываць у параўнанні з мінулым годам. Людзі эканомяць практычна на ўсіх харчах, акрамя бульбы. Падрабязна пра гэта – у адмысловай інфаграфіцы ад службы інфармацыі «Белсату».
Чвэрць заробку ідзе на мяса і малако
Паводле вынікаў дэталёвага даследавання хатніх гаспадарак сталіцы, сярэдняя менская сям’я выдаткоўвае на харчаванне 44,7 % сваіх спажывецкіх выдаткаў. Гэта каля 1,892 млн руб. Спецыялісты адзначаюць, што сёлета доля выдаткаў на харчаванне вырасла, а на прамысловыя тавары – знізілася.
Гэтак, у рэальным выражэнні людзі пачалі болей выдаткоўваць амаль на ўсе віды харчавання:
Мяса – 33,1 % (летась 30 %),
Малако – 18,5 % (летась 17,8 %),
Рыба – 4,9 % (летась 4,7 %),
Садавіна – 8,7 % (летась 9 %),
Яйкі – 2,1 % (летась 1,8 %),
Хлеб – 11,3 % (летась 12,9 %),
Бульба – 0,7 % (летась 1,5 %),
Гародніна – 6,4 % (летась 8 %),
Кандытарскія вырабы – 5,1 % (летась 5,4 %).
Статыстычны камітэт заўважыў, што жыхары сталіцы зменшылі спажыванне амаль усіх асноўных прадуктаў на велічыню ад 2 да 8,3 %. Замест гэтага вырасла спажыванне бульбы – аж на 5 %. У меню сярэдняга менчука яе паболела амаль на 300 грамаў на месяц.
belsat.eu