Гэта адна з прычынаў для сайту “Хартыі-97” працаваць за межамі Беларусі, распавяла яго рэдактарка ў “Гарачым каментары”.
Паводле рэдактаркі сайту “Хартыя-97” Наталлі Радзінай, інфармацыю пра куратараў ёй літаральна днямі паведаміў адзін з рэдактараў незалежнага СМІ.
“Куратар з КДБ можа патэлефанаваць і сказаць: калі вы не хочаце, каб вашую газету закрылі, я прашу вас не асвятляць той ці іншай тэмы або асцярожней паставіцца да той ці іншай тэмы. Або: лепш не рабіць гэтую навіну галоўнай. Яны імкнуцца працаваць разумна, навязваючы журналістам самацэнзуру”, – распавяла Наталля Радзіна ў інфармацыйна-публіцыстычным блоку “Белсату”.
{movie}Наталля Радзіна ў “Гарачым каментары”|left|6348{/movie}Паводле Наталлі Радзінай, адносна “Хартыі-97” гэта не спрацоўвала. Таму падчас утрымання ў СІЗА КДБ толькі за рэдактарства сайту ёй пагражалі 5 гадамі турмы.
Сёння ў Варшаве ўрачыста адкрыўся офіс сайту. У Вільні, дзе Наталля Радзіна працавала адразу пасля ўцёкаў з Беларусі, застаўся карпункт.
belsat.eu