Зеляніну прыцерушыла снегам, а лёгкае адзенне змянілася цёплаю вопраткай і ботамі. З ранку жыхароў сталіцы ды іншых рэгіёнаў Беларусі напаткала зусім не вясновае надвор’е.
Тэмпература паветра ўдзень склала ад +4 да +10 градусаў. А ў Віцебскай вобласці за апошнія 45 гадоў быў зафіксаваны новы начны тэмпературны рэкорд – мінус 4 з паловаю градуса.
Пры такім суворым надвор’і ў некаторых кватэрах планава адсутнічала гарачае забеспячэнне. Улады цягам дня скарэктавалі графік і вярнулі гарачую ваду. Аднак па ўсёй Беларусі дагэтуль адключанае ацяпленне ў жылым фондзе.
За 70 гадоў снегапад у траўні беларусы назіралі ўсяго 3 разы – у 45-ым, 52-ім і 2007-ым гадах. Прычынаю сёлетняй анамаліі сіноптыкі называюць халодныя франты.
«Умовы надвор’я на тэрыторыі Беларусі будуць вызначаць атмасферныя франты, якія змяшчаюцца з поўдня Балтыйскага мора. Уначы ападкі, днём на большай частцы тэрыторыі рэспублікі кароткачасовыя ападкі (дождж, мокры снег). Уначы і зранку на поўначы слабы галалёд», – праінфармаваў Дзмітрый Рабаў з Рэспубліканскага цэнтру гідраметэаралогіі.
Няўстойлівае надвор’е захаваецца да канца тыдня. Мокры снег і галалёд чакаюцца і заўтра. Дождж пратрывае ў паўднёва-ўсходніх рэгіёнах Беларусі да суботы, у нядзелю атмасферны слупок падымецца да 18-ці градусаў.
Юлія Лабанава, «Белсат», фота: TUT.BY