Здавалася б, абледзянелая дарога для камунальнікаў – не надта вялікая праблема. Але ў адной з вёсак на Глыбоччыне яе развязалі толькі пасля прыезду журналістаў «Белсату». Раней жа клапаціліся толькі пра тэрыторыі вакол адміністратыўных будынкаў.
У адваротным жа выпадку можна ўпасці і траўмавацца. Жыхары вёскі Мярэцкія, што на Глыбоччыне, неаднаразова скардзіліся на абледзянелую дарогу.
Жыхары Мярэцкіх спрабавалі звяртацца да мясцовых дэпутатаў. Фаіна Козел – адная з народных абраннікаў – назірала за журналістамі «Белсату» з адлегласці і ад каментароў адмовілася.
Іншы дэпутат, Анатоль Зінкевіч, намеснік рэдактара мясцовай раёнкі «Веснік Глыбоччыны», паводле жыхароў, таксама дапамагаць адмовіўся.
На наступны дзень пасля нашага прыезду на тэрыторыі вакол дамоў камунальнікі зрабілі падсыпку. Гэта «Белсату» пацвердзілі і праз тэлефон у Глыбоцкім ЖКГ.
Чаму ж раней камунальнікі не рэагавалі на звароты жыхароў? І ці будуць своечасова рэагаваць надалей? Ці зноў давядзецца выклікаць журналістаў?
Андрэй Павук, «Белсат»