Роварны спорт
21-гадовы гарадзенец Яўген Каралёк, стрыечны брат іншага добра вядомага беларускага спартоўца, гандбаліста Арцёма Каралька, зноў нікому не даў засумнявацца ў сваіх здольнасцях да скрэтчу, адной з дысцыплінаў у складзе алімпійскага, з 2012-га года, омніюму – спаборніцтваў па некалькіх відах трэкавых гонак.
Лёгкая атлетыка
На чэмпіянаце свету па лёгкай атлетыцы ў закрытых памяшканнях, што прымае англійскі Бэрмінгэм, 25-цігадовая скакуння ўвышыню Марыя Ласіцкіене з Кабардзіна-Балкарыі сталася адзінаю, каму ўдалося пераадолець планку на вышыні больш за два метры ды заваяваць залаты медаль, зрабіўшыся з улікам дзвюх перамог на адкрытым паветры чатырохразоваю чэмпіёнкаю планеты.
Хакей
Менскае «Дынама» і дагуляла сезон Кантынентальнай хакейнай лігі без вялікага імпэту. Што рыжскія аднаклубнікі, што браціслаўскі «Слован» – сталі ніжэйшымі паводле рангу пасля нашых «зуброў», заняўшы і апошняе і перадапошняе месцы ў Заходняй канферэнцыі. Але і ў гульнях з імі на фінішы не ўдалося дасягнуць максімуму.
Алесь Пуціла, «Белсат», фота: БВФС
