Вольга Гардзейчык

Аўтарак і вядоўца праграмы «Зоры не спяць», «Прыватная калекцыя», былая вядоўца «Чорным па белым», рэдактарка культурнага агляду «Рэмарка».

Нарадзілася ў Калінкавічах на Гомельшчыне ў 1972 годзе. Скончыла Беларускі дзяржаўны ўніверсітэт, з адукацыі – філолаг.

Журналістыка знайшла мяне сама на пачатку 1990-х – літаральна на вуліцы. З таго часу сумленна імкнулася спалучаць грамадзянскую пазіцыю з прафаб’ектыўнасцю, што не заўжды атрымлівалася (часам, зрабіўшы матэрыял, здымала бэйдж, каб ператварыцца ў шараговага ўдзельніка падзеяў). Кампраміс знайшла ў культурнай тэматыцы, якой і займаюся дагэтуль.

Працавала на Дзяржаўным радыё, на «Радыё 101,2», у літаратурна-драматычнай рэдакцыі Дзяржтэлерадыёкампаніі.

З 1997 года жыву ў Варшаве, вучылася ў кінашколе ў Лодзі, працавала ў беларускай рэдакцыі «Польскага радыё» і на «Еўрарадыё».

Шаную і люблю беларускіх творцаў ды асветнікаў, ганаруся «нашымі» дома і ў свеце. Цікаўлюся пытаннямі этыкі, псіхалогіі, парадыгмаў культуры ў постсавецкіх краінах. Люблю паэзію – Сыс, Жылка, Караткевіч, музыку – Акуджава, Нагавіца, Асецкая. Люблю фатаграфаваць матылёў.

Рамантык, «шасцідзясятнік», нарадзіся я ў адпаведны час – была б хіпі, бадай.