Аляксандр Пуціла

Аўтар і вядоўца спартовых навінаў

Нарадзіўся ў Менску. Пасля службы ў войску паступіў на факультэт журналістыкі БДУ. Аддзяленне радыё і тэлебачання закончыў у 1991-м. Напрыканцы навучання ва ўніверсітэце пачаў супрацоўнічаць з галоўнаю рэдакцыяй спартовых праграмаў Беларускага тэлебачання і радыё.

Заўсёды марыў стаць спартовым каментатарам і нямала зрабіў у гэтай прафесіі. Пашчасціла папрацаваць на Алімпійскіх гульнях у аўстралійскім Сіднэі ў 2000 годзе.

Напрыканцы 2008-га – атрымаў запрашэнне быць спартовым аглядальнікам праграмы «Аб’ектыў» на тэлеканале «Белсат» і, прыняўшы яго, пераканаўся, што не памыліўся.