21 чэрвеня ў Берасці пройдзе шэраг мерапрыемстваў прымеркаваных да гадавіны пачатку Вялікай Айчыннай вайны.
Раніцай у Берасце прыедзе патрыярх Кірыл. Напярэдадні ў горадзе з’явіліся рэкламныя шчыты з вітаннем Патрыярха Маскоўскага і ўсяе Русі Кірыла.
Чытайце таксама >>> Лукашэнка Патрыярху: «Беларусь з’яўляецца аплотам праваслаўя на заходніх рубяжах калісьці нашай вялікай Айчыны»
21 чэрвеня па гарадскіх вуліцах праедуць расейскія танкі. Танкі Т-38 прывязуць у горад над Бугам з найбуйнейшага ў Расеі прыватнага музею тэхнікі Вадзіма Задарожнага. Плануецца, што адзін з іх застанецца ў Берасцейскай крэпасці.
У вечары для берасцейцаў выступіць расейскі гурт «Любэ». Вядома, што яго лідар Мікалай Растаргуеў адкрыта падтрымлівае акупацыю Крыму, а новую ўкраінскую ўладу называе «бандэраўскімі адмарозкамі».
С.А., belsat.eu