Здарэнне адбылося 9 чэрвеня позна ўвечары ў адным з жылых пакояў на другім паверсе будынку.
Папярэдняя прычына загарання – неасцярожнае абыходжанне з агнём.
Ратавальнікі эвакуявалі 47 асобаў, якія не пацярпелі.
Аднак не абышлося без ахвяраў. Паводле прэс-службы МНС на другім паверсе знайшлі целы двух загінулых мужчынаў, інвалідаў 1937 і 1918 гадоў нараджэння.
Следчыя апыталі відавочцаў, медперсанал і працаўнікоў дому-інтэрнату для састарэлых. Цяпер адпаведныя органы правядуць пажарна-тэхнічную і судова-медычную экспертызу.
ДР, belsat.eu