Чытач Belsat.eu Андрэй Бусень падзяліўся сваймі здымкамі, зробленымі ў гандлёвым цэнтры «Карона» ў Берасці.
На здымках – вялізныя чэргі пры касах, а на паліцах, дзе нядаўна былі мікрахвалевыя печы ці тэлевізары, – пустыя месцы.
У Магілёве некаторыя крамы ўвогуле не працавалі. «Бо будзе пераацэнка, тавары стануць даражэйшыя разы ў… два!» – тлумачылі жыхары Магілёва.
У пятніцу 19 снежня ўлады Беларусі пастанавілі часова ўвесці збор 30 % пры куплі валюты юрыдычнымі і фізічнымі асобамі. Цяпер фактычны кошт долара ЗША – Br 14 150, а еўра – Br 17 400. Прымаюць долары ЗША ў банках паводле ранейшага курсу – прыкладна Br 11 000 за $ 1.
20 снежня ўрад Беларусі ўвёў мараторый на павышэнне коштаў на спажывецкія тавары. Дый загадаў айчынным холдынгам «Атлант» і «Гарызонт» забяспечыць крамы побытавай тэхнікай.
МЯ, belsat.eu