Гасцямі аўтарскай праграмы Сяргея Будкіна стаў дзяржаўны ансамбль «Песняры», які лічыцца адзіным афіцыйным пераемнікам ансамблю пад кіраўніцтвам Уладзіміра Мулявіна.
Музыкі распавядуць, як трапілі ў калектыў, чым займаюцца па-за працаю і як змагаюцца за права «Песнярамі» звацца. У жывым сэце прагучаць песні, якія былі створаныя апошнім часам, а таксама адзін з залатых гітоў ансамблю.
У праграме прагучаць песні:
- «Кацярынка маладая» (музыка Р. Козырава, словы В. Шарапава)
- «Жняя» (музыка Р. Козырава, словы Я. Купалы)
- «Я ліцвін» (музыка Р. Козырава, словы І. Клімашэўскага)
- «Завушніцы» (музыка У. Мулявіна, словы М. Танка)
